BARCELONA YAIFUNZA ADABU MADRID, YAITANDIKA BAO 4-0

Barcelona imeitwanga Real Madrid kwa mabao 4-0 licha ya kuwa  nyumbani kwake Santiago Bernabeu.

Luis Suare amepiga mabao mawili, Neymar akapiga moja na mkongwe Adres Iniesta naye akapiga moja.

Hata kabla ya Lionel Messi kuingia, Barcelona waliutawala mchezo kwa kiwango kikubwa tokea kipindi cha kwanza.

Madrid iliyokuwa ikipewa matumaini na mashabiki wake, huku wakiamini itafanya marekebisho katika kipindi cha pili, ilizidi kuboronga.

Isco naye akalambwa kadi nyekundu baada ya kumtandika teke la nyuma Neymar upande wa goti.

Madrid ingeweza kufunga mabao angalau mawili au matatu kupitia Ronaldo, Benzema na Marcelo lakini hata hivyo ilikuwa kazi nzuri ya kipa Bravo wa Barcelona aliyefanya kazi nzuri sana kuokoa.