KAZI IPO, EL CLASICO NI LEO, BARCA YAMKOSA NEYMAR, BALE AREJEA KIKOSINI REAL MADRID

Wakati mchezo wa El Clasico kati ya Real Madrid dhidi ya Barcelona ukitarajiwa kuchezwa leo Jumapili, habari nzuri kwa mashabiki wa Madrid ni kuwa Gareth Bale yupo fiti na ametajwa kuwemo katika kikosi kitakachocheza mchezo huo wa La Liga.
Bale alikuwa majeruhi na kukosa mchezo uliopita dhidi ya Bayern Munich, hivyo kurejea kwake kunaongeza nguvu katika kikosi chake.

Bale alirejea katika mazoezi ya timu hiyo siku kadhaa zilizopita na madaktari wamemruhusu kucheza.

Kocha wake, zinedine Zindane amethibitisha kurejea kwa Bale kikosini na kusema atakuwemo katika kikosi, wakati huo ikumbukwe kuwa Barcelona itamkosa mshambuliaji wake, Neymar ambaye amefungiwa mechi tatu.