Afisa habari wa klabu ya Simba Hajji Manara atoa ya moyoni tuzo za ligi (VPL)

Afisa Habari wa klabu ya Simba Hajji Manara

Jana bodi ya ligi kuu Tanzania bara kwa kushirikiana na wadhamini wao ambao ni kampuni ya simu za mkononi ya Vodacom, jana walitoa zawadi na tuzo kwa vilabu, wachezaji, makocha na waamuzi waliofanya vizuri kwenye ligi hiyo iliyomalizika Mei 9 mwaka huu ambapo timu ya Young Africans ‘Yanga’ ilitawazwa bingwa mpya wa ligi hiyo.

Kumekuwepo na maoni tofauti toka kwa wadau mbalimbali wa soka juu ya tuzo hizo ambazo zimezua gumzo kubwa kila kona ya mtaa kwa wapenda soka. Wengi wakidai ni vigezo gani vilivyotumiwa 

Afisa habari wa klabu ya Simba  Hajji Manara ametoa maoni yake ambapo amesema, sio kosa kwa mchezaji mmoja kuchukua tuzo zaidi ya moja endapo atakuwa anakidhi vigezo lakini sio vyema kumpa mchezaji au timu flani tuzo kwa lengo la ‘kubalance’ mambo.

“‘Once’ unapochagua mchezaji bora, kocha bora, timu yenye nidhamu ni lazima kuwe na vigezo. Mchezaji bora anapatikana kwa vigezo gani, kocha bora kwa vigezo gani, golikipa bora kwa vigezo gani, mimi sina tatizo na walioteuliwa, nawapongeza sana kwasababu ndio Vodacom na bodi ya ligi walivyoona”, Manara amesema.

“Lakini hebu waende mbali zaidi wasiishie hapo, mfano unapomchagua golikipa bora unatuambia amecheza mechi ngapi, saves ngapi amefanya zinazotambulika. Mfano mzuri ni De Gea mwaka huu amekuwa golikipa bora wa EPL lakini wanakwambia amechaguliwa kwasababu moja, mbili, tatu. Kwahiyo unavyomchagua Kado inawezekana anastahili lakini amecheza game ngapi Kado? Lazima twende beyond that tusiishie kusema tu”, amefafanua Manara.

Au kwa mfano kakaangu Mbwana Makata, kuwa best coach wa premier, Je, amefundisha timu yake imeshinda mechi ngapi kati ya ngapi alizofundisha? Unapowapa Mtibwa timu yenye nidhamu bora Je, hawa watu hawajapata hata straight red cards?, Je, hakuna timu ambayo haijapata? Kwamfano sisi Simba hatujapata straight red card hata moja, wenzetu wamepata mbili lakini sasa ukilalamika watesema huyu msemaji wa Simba anaitetea Simba lakini sio”, amesisitiza.

“Je, mfungaji bora ni lazima awe mchezaji bora? Amecheza mechi ngapi na ana assist ngapi? Magoli yake yamesaidiaje timu yake? Kwahiyo unaweza kusema Msuva anadiserve kwa vigezo flani tuambie tu. Inawezekanaje ligi ambayo inarundo la foreigner players ambao huna category hiyo ya mchezaji bora foregner huna. Unawezaje kuwanyima watu hawa fursa wametoka Uganda, Kenya, Rwanda, Burundi kwa nini umeshindwa kuwaweka? Huwatendei haki. Halafu hutaki kuwashirikisha kwenye nafasi ya mchezaji bora wa ligi. Na isiwe dhambi, kuinyima timu moja au mchezaji mmoja zawadi nne au tano, sio dhambi hata kidogo kama mtu anastahili apewe yani wasibalance”, amesema.

CREDIT: Shaffihdauda.com