LAMPARD ATAKATA CHELSEA IKIUA 4-0 FA CUP

FRANK LAMPARD amefunga bao lake la 199 kwa Chelsea pale timu yake ilipofanya maangamizi ya 4-0 kwa Brentford katika mchezo wa raundi ya nne ya FA Cup.

Kiungo huyo wa England ambaye mkataba wake unaisha majira ya kiangazi, sasa anakaribia kuvunja rekodi ya Bobby Tambling anayeongoza kwa kufunga magoli mengi zaidi Chelsea, magoli 202.

Lampard akifunga bao la tatu

Hata hivyo Lampard, 34 kwa kufunga leo anakuwa amefikisha magoli 26 katika kombe la FA idadi ambayo haifikiwi na mchezaji mwingine yeyote yule wa Chelsea ndani ya michuano hiyo.

Lampard alifunga dakika ya 71 wakati huo Chelsea tayari ikiwa mbele kwa mabao mawili ya Juan Mata na Oscar. Bao la nne lilifungwa na nahodha John Terry katika dakika ya 81.

Juan Mata akipiga bao la kwanza

Ocsar akitupia bao la pili

John Terry akishangilia bao lake

Chelsea sasa itaumana na Middlesbrough katika mzunguko wa tano.

Chelsea: Cech, Ivanovic, Cahill, Terry, Cole, Luiz, Lampard (Bertrand 80), Oscar, Mata (Benayoun 76), Moses (Hazard 65), Ba

Goals: Mata 54, Oscar 68, Lampard 71, Terry 81

Brentford: Moore, Logan, Craig, Dean, Bidwell, Adeyemi, Diagouraga (Reeves 73), Douglas, Forshaw (Saunders 78) Donaldson, Trotta (Forrester 56).