Nimeamua kumuacha na mambo yake Ben Pol - Ebitoke

Msanii wa vichekesho Ebitoke amefunguka na kusema kuwa msanii Ben Pol amemuacha na yeye ameamua kumuacha pia aendelee na maisha yake kwani amejigundua ni kama alikuwa analazimisha mapenzi kwa Ben Pol na mwisho wa siku kujikuta anakosa furaha na amani

Ebitoke alisema hayo alipokuwa akizungumza kwenye kipindi cha Papaso kwenye Television ya Taifa na kusema baada ya kukubaliana na hali hiyo saizi amejikuta ana furaha na amani ndani yake kwa kuwa hakuna kitu kinachompa mawazo tena.

"Unajua mapenzi ni hisia na yanahitaji sana furaha sasa mimi niligundua namlazimisha Ben Pol hivyo nikaamua kumuacha aendelee na maisha yake ya kawaida, yeye ndiye aliyeanza kuniacha kwani muda mwingi alikuwa anasema yupo busy na mimi nikasema basi ngoja nifanye vitu vyangu maana mwenyewe pia na ndoto zangu nyingi tu, japo nilikuwa naumia lakini saizi nina furaha na maisha haya mapya" alisema Ebitoke 

Ebitoke na Ben Pol awali walikuwa wanadaiwa kuwa ni wapenzi na kuonekana sehemu mbalimbali wakiwa pamoja, lakini baadaye mambo yalikuja kubadilika na kila mmoja kuonekana mwenyewe mwenyewe huku Ben Pol akiwa hataki kuzungumzia tena mambo ya mahusiano.