HATIMAYE SAKATA LA MBARAKA YUSUPH LAMALIZWA KIUTU UZIMA

Sakata la mshambuliaji Mbaraka Yusuph hatimaye limefikia tamati.
Mashambuliaji huyo ambaye alisajiliwa na Azam FC hivi karibuni, alisababisha mvutano baina ya klabu yake na klabu aliyotoka ya Kagera Sugar ambayo ilikuwa ikidai kuwa bado ni mchezaji wake.

Akizungumza na waandishi wa habari leo Ijumaa, Ofisa Habari wa Azam FC, Jaffar Idd alisema Mbaraka Yusuph ssa ni mali ya klabu yao baada ya pande mbili za klabu hizo kumalizana vizuri.

Idd amesema kuwa Azam FC ilikutana na wawakilishi wa Kagera Sugar katika makao makuu ya Azam FC na wakaelewana juu ya sakata hilo na sasa hakuna mvutano tena baina ya pande hizo mbili.