MURO ATAMBA SIMBA WAPO KILELENI WANATALII, YANGA ITAREJEA TENA

Yanga wamejigamba wao ndiyo watu wa ‘kileleni’, akiamini wapinzani wao Simba wanatalii tu kwani Yanga watarejea kwa kushinda mechi yao kesho.

Kesho Yanga itakuwa mwenyeji wa African Sports kwenye Uwanja wa Taifa jijini Dar es Salaam.

Msemaji na Mkuu wa Kitengo cha Habari na Mawasiliano cha Yanga, Jerry Muro amesema Yanga itaindika African Sports na kurejea kileleni.

Muro anaamini Simba ambao wako kileleni kwa sasa wamekaa kwa muda tu.

“Wamekaa kwa muda tu zetu, hata wao wanajua ile si nafasi yao. Kesho tutawatandika African Sports, tunaomba Mungu atusaidia tufunge mabao mengi zaidi,” alisema.

Simba ina pointi 48 ikiwa kileleni mwa Ligi Kuu Bara, Yanga na Azam FC wanafukuzana katika nafasi ya pili kila mmoja akiwa na pointi 47.

Lakini Yanga na Azam FC kila upande una mchezo mmoja mkononi na kama zitashinda zote, Simba itaporomoka tena hadi katika nafasi ya tatu.