CARLO ANCELOTTI ATIMULIWA REAL MADRID
Real Madrid imemtimua kocha wake Carlo Ancelotti mwaka mmoja baada ya kuipa klabu hiyo taji la Ligi ya Mabingwa barani Ulaya.
Rais wa Real Madrid Florentino Perez amethibitisha uamuzi huo katika mkutano wake na waandishi wa habari Jumatatu usiku, lakini akakataa kuthibitisha kama Rafa Benitez ndiye kocha wao mpya.
Carlo Ancelotti anakuwa kocha wa tisa kutimuliwa Real Madrid katika utawala wa miaka 12 ya Florentino Perez.
Rafa Benitez, kocha wa zamani wa Liverpool anaendelea kuwa muhusika mkuu anayetajwa kuchukua mikoba ya kuikochi Real Madrdi, lakini habari za kutimuliwa kwa Carlo Ancelotti zimepokelewa vibaya na wachezaji pamoja na mashabiki wa timu hiyo.
Carlo Ancelotti amefukuzwa Real Madrid
Carlo Ancelotti ndo basi tena Real Madrid
Rais wa Real Madrid president Florentino Perez akitangaza kumfukuza kazi Ancelotti katika mkutano wa waandishi wa habari Jumatatu usiku
Perez akithibisha kumtimua Carlo Ancelotti
Kuhusu mbadala wa Carlo Ancelotti, Perez akasema: "Tutamtaja kocha mpya wiki ijayo ila kwa sasa napenda kuwajulisha kuwa tumeamua kumwagana na Carlo Ancelotti.
"Haya ni maamuzi magumu kwetu, lakini siku tunapaswa kuja hapa na kufanya uamuzi mwepesi kwa faida ya klabu. Kwasasa Carlo ni sehemu ya historia yetu."
CREDIT: SALUTI5.COM
Post a Comment