Kocha wa Stars Mayanga Atangaza orodha Kikosi cha Wachezaji 21

KOCHA mkuu wa Taifa Stars, Salum Mayanga ametangaza orodha ya kikosi cha wachezaji 21 kwa ajili ya kujiandaa na mchezo wa  kimataifa wa kirafiki utakaokuwepo kwenye kalenda ya Fifa.

 Mchezo huo unatarajia kupigwa Oktoba 7 mwaka huu jijini Dar.

Kocha huyo ametangaza kikosi hicho leo Septemba 23 mwaka huu mbele ya waandishi wa habari na kusema kuwa mchezo huo unatarajiwa kuchezwa katika Uwanja wa Uhuru wa Dar es Salaam.

 Wachezaji  walioitwa kwenye katika kikosi hicho ni makipa  Aishi Manula, Ramadhani (Simba), Ramadhan Kabwili (Yanga), Peter Manyika (Singida United).

Mabeki ni  Gadiel Michael (Yanga), Erasto Nyoni (Simba), Boniphace Maganga (Mbao), Adeyuni Salehe (Kagera Sugar), Kelvin Yondani (Yanga) na Salim Mbonde (Simba).

 Upande wa viungo wa Kati ni Himid Mao (Azam), Hamis Abdallah ( Sony Sugar, Kenya),Mzamiru Yassin (Simba) na Raphael Daud (Yanga).

Viungo wa shambuliaji ni Simon Msuva (Difaa Al jadida, Morocco),  Shiza Kichuya (Simba), Morel Ergenes (Ureno),  Abdul Hilal Hasan (Tusker FC, Kenya), Ibrahim Ajibu (Yanga) na washambuliaji watakuwa ni Mbwana Samatta na Mbaraka Yusuph.