YANGA Vs RUVU SHOOTING WAZUIWA KUCHEZA TAIFA, WAHAMIA CHAMAZI

Timu ya Yanga wanatarajiwa kucheza dhidi ya Ruvu Shooting katika mchezo wa kirafiki kwenye Uwanja wa Azam Complex, Chamazi, kesho mjini Dar es Salaam.

Awali mchezo huo ulipangwa uchezwe kwenye Uwanja wa Taifa lakini uwanja huo utatumika kwa ajili ya shughulia nyingine.
Simba nao walipanga kucheza dhidi ya Singida United, kwenye Uwanja wa Taifa, keshokutwa Jumapili lakini mchezo huo nao hautachezwa kwenye uwanja huo.

Kwa Yanga huo utakuwa mchezo wa pili rasmi wa kujipima nguvu, baada ya Jumamosi iliyopita kuifunga Singida United mabao 3-2 kwenye Uwanja wa Taifa.