HALI YAZIDI KUWA MBAYA ARSENAL, YABANWA MBAVU NA KUONGEZEWA MAJERUHI

Arsenal imepoteza nafasi ya kufungana kwa pointi na Manchester City ambao ni vinara wa ligi kuu ya England (EPL) baada ya Lewis Grabban kuisawazishia Norwich na kuufanya mchezo huo kumalizika kwa sare ya kufungana bao 1-1 na timu hizo kugawana pointi moja kila timu.
Arsenal walianza kuongoza kwa goli lililofungwa na Mesut Ozil kufuatia makosa ya John Ruddy na kutoa nafasi kwa Alexis Sanchez kumtengenezea Ozil goli hilo.
Lakini Arsenal waliadhibiwa na na goli la Grabban ambaye alipokea pasi kutoka kwa Robbie Brady na kupachika mpira wavuni.
Laurent Koscielny pamoja na Alexis Sancez wakatoa pigo jingine kwa washika bunduki wa jiji la London baada kuumia na kuongeza idadi ya majeruhi kwenye timu hiyo.
Koscielny alilazimika kutoka nje ya uwanja kipindi cha kwanza baada ya kuumia nyonga wakati mshambuliaji Sanchez yeye akipata maumivu ya nyama za paja.
The Gunners sasa wako nyuma ya Manchester City kwa pointi mbili huku wao wakiwa nafasi ya nne na hali ya kikosi cha Arsenal inaweza kupelekea kocha wa timu hiyo Arsene Wenger kufanya usajili wakati wa dirisha dogo mwezi Januari.
Norwich wao wamebaki nafasi ya 16 baada ya mchezo wa leo kumalizika.
Angalia video hapa chini ya magoli ya Norwich vs Arsenal yalivyofungwa kwenye mchezo wa leo.